Western von Gestern
„Oute wöud wescht“
esch’s Motto för Gugge ond Gescht,
mer Hurligger mache met,
setzte s‘ Motto om uf Schrett ond Trett.
Ond doch, send mer e chli verschrocke,
fascht hauts üs us de Socke,
usgrächnet mer Hurligugger passe zom Motto,
au wenn mer ned wette, es esch wie e Einer im Lotto.
Mer schecke üs dri ond probiere z‘föue es paar Löcke
met kakaphonische Kläng dönt mer d‘ Fasnchätler beglöcke.
Morricone esch üse Starkomponescht,
ond schribt d Note
s‘ Nochespele esch no rächt schwär
ond velecht besser verbote.
Aber öb „the good, the bad and me“ oder
„Spiel mir das Lied vom Tod“ mues si,
üsi Sound erklengt, träne fliesse ond alle si froh,
si si met eme akustische Schreck
no einisch dervo cho.
Auso, loset guet zue ond lönd euch lo verfüehre,
Western von Gestern in „Oute wöud wescht“,
werd üs alle berüehre.
Fasnachtsrückblick 2016 der Revisoren
Schnitzelbank zur Fasnacht 2015
D‘ Fasnacht z Olte ond Omgäbig
werd vo Johr zo Johr rächt läbig,
ou mer wend üse Biitrag leischte
ond versuche d Narre z begeischtere!
Met üsem Sound dä esch bekannt
Land uf ond ab im Oltnerland
verzeubere mer Zuehörerschar
kakaphonisch schräg aber wonderbar!
Stöu der vor du ghörsch es Stöck
ond besch vo Errennerig total entzöckt
es Medlay so schön us de alte Johre
nor hauet’s der 15 Stöck glichziitig om d’Ohre!
I däm Johr si mer weich und kuschelig onderwägs
me geniesse die närrische Täg met es paar Gägs
du wersch us sofort erkönne
met Fälli ond Hörner düe mer de öberrönne!
Mer freue üs, wenn chonsch go lose
luege, tanze, klatsche aber s‘ Bier ned verchosle.
Gniess die Täg ond dänk de dra
d Hurligugger chasch uf de Website s ganze Johr no ha!
J. Steggerda Feb. 2015